Hagnýtar upplýsingar

Opnunartími skólans

Skólinn er opinn frá kl: 08.00 til kl. 17.00

Skrifstofa

Skrifstofa skólans er opin frá kl. 08.00 til kl. 15.00.

Forfallatilkynningar

Foreldrar eru beðnir að hringja á skrifstofu skólans við upphaf skóladags ef um forföll er að ræða eða tilkynna þau á mentor.is. Forföll sem ekki eru tilkynnt eru skráð sem fjarvistir. 

 

Nesti

Húsakóli er heilsueflandi skóli. Nemendur eru hvattir til að koma með hollt og gott nesti og koma með vatnsbrúsa sem hægt er að fylla á yfir daginn.

Símanotkun

Öll notkun farsíma/snalltæka er óheimil í Húsaskóla nema með sérstöku leyfi kennara. Sé nemandi í eða með símann í almennum rýmum skólans, útiveru eða í kennslurýmum fylgir starfsfólk skólans eftirfarandi vinnureglum: A. Í almennum rýmum skólans er nemandi beðinn um að afhenda starfsfólki símann og fylgir starfsfólk nemenda á skrifstofu skólans til að afhenda símann. Nemandi getur sótt símann í lok skóladags á skrifstofuna. Vilji nemandi ekki afhenda símann verður honum vísað á skrifstofu skólans og ræðir þar við skólastjórnendur. Atvikið er skráð í Mentor. Nemendur eru hvattir til að leysa málið strax með því að afhenda símann og sækja á skrifstofuna eftir að skóladegi lýkur. B. Sé nemandi með símann í kennslustund er honum vísað úr tíma og fer hann á skrifstofu skólans þar sem hann þarf að afhenda símann. Atvikið skráð í Mentor. Þessar reglur gilda inni í Húsaskóla sem og á skólalóð.

Viðmið um skólasókn

Mikil áhersla er lögð á stundvísi nemenda í skólanum. Skólaskylda er í grunnskólum sem þýðir að börn og ungmenni á aldrinum 6–16 ára eiga að stunda þar nám. Foreldrar/forsjáraðilar bera ábyrgð á því að börnin innritist í grunnskóla, sæki skólann og stundi þar nám.

Ef misbrestur verður á skólasókn ber foreldrum/forsjáraðilum og skólanum að bregðast við. Til þess að þau viðbrögð verði sem árangursríkust hafa grunnskólarnir í Reykjavík sett sér samræmd viðmið og reglur sem þeir vinna eftir. 

  • Skólasóknarreglur í grunnskólum Reykjavíkur
     

Undanþága frá skólasókn